মাতিছা যদি যাবই লাগিব ~~~~~~~ শ্ৰীনয়ন জ্যোতি গোৱালা
_____________________
মাতিছা যদি যাবই লাগিব - ঘৰ যদিও বা দেখা নাই বিচাৰি বিচাৰি উলিয়াব লাগিব তোমাৰ ঘৰৰ বাটত যদি বা ঘাট আছে
গাভৰুকেইজনীক কৈ থবা মোৰ প্ৰেমত নপৰিবলৈ
নহ'লে ৰাইজৰ আগত জৰিমনা মাননি ধৰিবলৈ - মাছ মঙহেৰে খোৱাবলৈ কবিৰ জেপত কত থাকিব ৰঙা নোটৰ গুন্ধ
বাছৰ পৰা নামিয়ে তোমাৰ ঘৰলৈ অলপ খোজকাঢ়ি যাব লাগে
আগবাঢ়ি আহিবা চোন তুমি
-দোয়ো খোজত খোজ থৈ গুন গুনাই যাম
তোমাৰ মোৰ প্ৰেমৰ কাহিনী।
তোমালোকৰ খেল পথাৰখনলৈ লৈ যাবা নে?
যত তোমাৰ শৈষৱ আজিও জিলিকি আছে
শুনিম মই মোৰ প্ৰেমীকাৰ তিতা কেহা মিঠাৰ কাহিনী
আৰু মই সুধিম বিৰতিৰ সময়ত কাৰ কথা ভাবিছিলা
নিজান দেশত তুমি
মাতিছা যদি যাবই লাগিব-ঘৰ যদিও বা দেখা নাই ঘৰ
বিচাৰি উলিয়াব লাগিব
নহ'লে তোমাৰ খং অভিমানবোৰ কেনেকৈ গুচাম
মাক কৈ থবা জোৱাই আহিব বুলি
শহুৰ আগত ভয়ে ভয়ে কথা কম হয়তো বা নকম
শাহুৰৰ লগত কথাই পাতি থাকিম চাগে
দাদায়ে বেয়া পাবও পাৰে চলিব
এদিন দাদাওতো প্ৰেমত পৰিব
মাতিছা যদি যাবই লাগিব ।
এ হে ৰবা ৰবা কাৰেন্ত গ'ল
মমটো জ্বলাই লও ।
তুমি ৰবা নে তেতিয়ালৈ ।
